في مرحلة لما بتوصل لها ............ بتبقى حاجة كده وهم
في المرحلة دي ...
ممكن بتبقى متوقع ان نهاية موضوع معين هتزعلك وتوجعك ورغم كده بتكمل حياتك بوتيرة موزونة وبتبقى هاادي ورايق كده و مروق مع ننفسك
بتأجل العكننة لغاية ما يجي وقتها و بتقول ان شاء الله خير . ولو مكنش الخير اللي مستنيه هتتعامل معاه في وقتها وتحاول تحسن منه .
بتستمتع بكل حاجة وكل لحظة في حياتك ... بتبقى مدرك ان طالما اللي بتحبهم معاك وحواليك ايا كانت ظروفكم فهو وضع جميل .
في المرحلة دي .......
بتستمتع بشعاع الشمس السخن لما بتحسه على وشك في الشتا . بتضحك لأي طفل يبص لك ، بتفقد الرغبة في التذمر من اي حاجة وبتستمتع بكل حاجة
المشي اللي بيئذيك وانت راجع تعبان من شغلك بيتحول لمتعة وانت ماشي مع زميلك ، شرا الطلبات المزعج بيتحول لبهجة وانت محسس نفسك انك بتتفسح مش بتقضي طلبات .
المرحلة دي جميلة .... يا دوب الواحد بيلحق فيها يستمتع بحيلته اللس ضيع معظم سنينها قبل ما يرحل منها .
#عيشوا_واستمتعوا_يرحمكم_الله
استمتعوا بسماع موسيقى بتحبوها .... ارسموا لو بتحبوا الرسم او غنوا لنفسكم ..ازرعوزوا لو بتحبوا الزراعة .. حطوا رز للعصافير في البلكونة وابتهجوا بزفزقتهم ... اتمشوا في السقعة بليل واتنفسوا بعمق .... ابهجوا نفسكم وفسحوها وروقوها ..... غلسوا ع اللي بتحبوهم ومتدوهمش فرصه يزعلوا منكم ..... بصوا ع السما وحسوا قد ايه هى جميلة
عيشوا ببهجة يا جماعة
ابتهجواااااااااااااااا و متفكروش كتير في الحاجات اللي بتزعل
خلوها على الله واستمتعووا بالحاجات الجميلة المتاحة لكم دلوقتي
2
-2
