هنام والصبح هفكر اتصرف ازاي 😏

الجملة دي لو تعرف طريق المحكمة كانت اشتكتني.🙄

اي مشكلة بتحصل معايا مش بحب افكر فيها في وقتها 😇

الصراحة مش بحب افكر في المشكلة اصلا ... خاصة وهى فريش ولسه طازة .

ولما ببتدي افكر بفكر في حلول وبدايل مش بفكر في المشكلة نفسها.

كل اللي بيبقى شاغلني اني اعدي منها باقل قدر من الخسارة وأقصى قدر من الفايدة .😌

انا بحس وبقلق كمان بخاف بس مش عارفة ليه ببقى هادية قوي لدرجة اللامبالاة وانا بتعامل .😇

الهدوء ده ساعات بيعمل لي مشاكل... في ناس بتخيل انه كبر وناس بتخيل انه برود .😅

والحقيقة هو لا كده ولا كده ... هو سببه قناعتي ان الدنيا دار ابتلاء

وقناعة بمقولة

ان صبرتم اجرتم وأمر الله نافذ وان ضجرتم كفرتم وأمر الله نافذ.

والهدوء وعدم الجزع هو مفهومي عن الصبر الجميل