انا مش من الستات اللي بيطلق عليها ستات ذكية اجتماعيا ويمكن عاطفيا.
مش بتمسك بأي علاقة مش بتوفر لي احتياجاتي والدعم اللي بحتاجه وبالطريقة اللي انا عاوزاها .
بستغنى عن اي علاقة تحسسني اني عبء او تشكل عبء على وتحمل على اعصابي من غير ذرة ندم على اي رد فعل خدته وانا في سكة الاستغناء.
في حد قال اني بياعة وبتهون على العشرة !
بس الحقيقة
انا مش بياعة.
انا من النوع اللي بيشتري قوي ويبذل مجهود قوي ويعاتب مرة واتنين .... لغاية ما اوصل لمرحلة اني افقد الرغبة تماما في بذل اي مجهود اضافى
حتى لو كان المجهود ده هو المجهود المطلوب لقطع علاقتي باللي قدامي
مببذلوش .
لما بوصل للمرحلة دي وده شى نادر ببقى فقر بجد واللي قصادي بيرجع للمربع صفر جوايا زي اي غريب ما اعرفوش.
الفرق أ الغريب ممكن تكون قصاده فرصة يقرب انما القريبين اللي بقوا اغراب لأ.
تصرفات اللي بتعامل معاهم وافعالهم هى بس اللي بتوصلني للمرحلة دي ... هم دايما الفعل وانا مجرد رد فعل.
انا مش بياعة ... انا شارية بس شارية نفسي اللي هم باعوها بافعالهم.
2
-2
