من كذا سنة قريت مجموعة قصص قصيرة لكاتب إيطالي اسمه دينو بوتزاني تحت اسم الطابق السابع علمت جوايا قوي

كان بيتكلم في أول قصة منها وهى بذات الاسم عن مريض دخل يتعالج في مستشفى مكون من ٧ طوابق .

 كل طابق بيعالج درجة مرض محددة بطريقة معاكسة لرقم الطابق يعني أعلى طابق مختص بعلاج اخف الأمراض والعكس صحيح لغاية ما بنوصل للطابق الارضي اللي بيشغله الحالات اللي قاب قوسين او أدنى من الموت .

الكاتب وصف بطريقة مبدعة مشاعر المريض ده خلال رحلة علاجه وهو كل يوم بينزل من طابق للطابق اللي بيقع اسفله لغاية ما انتهت القصة بموته .

مش عارفة ليه جه في بالي النهاردة ان الطابق السابع المبهج ده هو الاحساس بالتميز والرضا والسعادة  

والانحدار ده بيبقى الانحدار في الاحساس بيهم

 لغاية الوصول للاحساس بعدم جدوى البقاء بالكامل واللي بيقابل الموت او المشرحة في الرواية.