مش بحب القضايا الجدلية

بس انا مع كتابة القايمة للعروسة

طالما اهل العروسة بيجيبوا حاجات في البيت تساوي اللي العريس بيجيبها وممكن تكون اكتر .

والعريس مش بيدفع كمان مهر 

تبقى القايمة حقها هى والشبكة ودول مهرها.

بالمناسبة المهر ده حاجة مفروض تبقى للعروسة زي الشبكة كده .... انت بتديها الشبكة في مصر باليمين و بتاخد عفش من أهلها بالشمال يبقى ما ادتها حاجة

وعلشان ما جبتلهاش حاجة بتكتب العفش اللي جبته ليها وبتستخدمه كمان معاها 

مش عاوز تكتب قايمة جهز بينك كله من الألف للياء بما يناسب قدرها وباللي تقبله هى وأهلها 

هى مش مجبرة تقبل ظروف ما تناسبهاش علشان يتقال علبها بنت ناس

هى بنت ناس غصب عن عين اي حد 

طالما مفيش مشاعر محبة بينها وبين اللي مقدمتهاوالجواز جوازة صالونات تبقى العلاقة تعاقدية... لغاية ما القبول يتحول بالعشرة لمودة ورحمة.

يعني واحد مفيش بينه وبينها مشاعر وماديا ااقل منها بكتير مش من حقه يطلب منها ترتضيه وترتضي ظروفه.

رجالة غريبة !

عاوزين عروسة بعفشها ببلاش وكمان عاوزينها تبيع الشبكة بعد الفرح