الحزن الحقيقي

متصدقوش ان سبب حزننا ع الحبايب لما بيموتوا ويسيبونا هو الفراق وبس .... كل اللي متغرب في بلد مفارق أهله بس قلوبهم مش بتتقطع من الفراق

الفراق عشان نحس بيه لازم يمر وقت نبتدي بعده نحس بوجع الافتقاد وندوق طعم مرارة الخسارة اللي متتعوضش اللي خسرناها 

اللي يجنن بجد و بيحزن أكتر من الفراق تخيل ان كان في انسان دم ولحم وصوت وابتسامة وايد بتطبطب وعين بتضحك وتدمع وشفايف بتبتسم وتكشر بقى ساكت خامد ما بيسمعش ما بيتكلمش 

محبوس بلا حول ولا قوة في جسم متكسح عاجز عن الحركة ومعرض لهوام الأرض ودودها علشان تنال منه بعد ما كان ملء العين والسمع من غير ما يقدر يرفع في وشها صباع أو حتى يعترض بكلمة

بأمانة ده اللي بيحزن وبيوجع بجد وممكن يجنن