اعترافات ليلية
---
عمري ما حبيت الحلة البريستو ..
بكره السربعة والسرعة🏃 اللي ملهاش لازمة
من زمان قوي بحب اعمل كل الأكل على نار هادية وبحب آكل بالراحة🍝 وأستمتع بطعم كل حاجة .😌
مش بحب السهر زي باقي خلق الله .. بحب أنام بدري 🥱وأصحى بدري حتى أيام الأجازة علشان أقوم من نومي فايقة ومرتاحة بكره الاحساس بالارهاق اللي بيسببه السهر .😉
بحب الشمس🌞 أكتر من القمر 🌜بكتير ... الاحساس بملمسها على جلدي خاصة في الشتا بيخليني احس بالبهجة ☺.
كنت زمان بكره الخريف 🌾و بحب الشتا🌬 اكتر من الصيف☀️ .... لسه كده لغاية دلوقتي .
بحب الشروق اكتر من الغروب🌅 .. الشروق مبهج والغروب الوانه دموية زي تخيلي للالوان في جهنم .
مش بحب الكآبة ولا الكشرة 😒... بحب الناس اللي وشها بيبتسم 🤗على طول، ومقتنعة ان اي شئ بيحصل للانسان حتى لو مش مرضي بالنسبة له بيكون لحكمة إلهية عقله ما ادركهاش علشان كده قليل قوي قوي ما بزعل من جوه على حاجة مهما كانت .
مش بحب اقطع علاقتي🤼 مع حد الا لو اتأكدت ان القطيعة دي مش بسبب تصرف بدر مني وكان مسيئ
وبتأكد قبل ما أسطح علاقتي بالشخص ده او ااقطعها ان العلة في تصرفاته او فيشخصه هو مش فى انا وده علشان ما اندمش في يوم على علاقتي بيه 🤦.
لما حد بياخد عني فكرة غلط مش بزعل لا منه ولا على نفسي 😏 ولا بقعد أهري وأنكت في نفسي ..... افكار الناس مبتعورش .... هم الخسرانين مش أنا 😏😉.
لما بفتكر حد عزيز على قلبي خده مني الموت واعيط 😪بسيب دموعي لغاية ما تخلص لاني مقتنعة ان الحزن زكاة القلب وكل انواع الزكاة خير.
وبعدها بقوم أغسل وشي واضحك🙃 واعيش باقي اليوم مبسوطة ومبتهجة على قد ما أقدر .
الوحدة مش انك تكون لوحدك .... انا وانا لوحدي بكون في صحبة كائن بيفهمني قوي وبرتاح معاه جدا وبحبه وبحب صحبته .... نفسي. 😉
مبحبش اتعود على حاجة لمرحلة توصلني اني أبقى عاجزة عن الاستغناء عنها .... الا فيما ندر .
الاعتياد المبالغ فيه نوع من الادمان ... وده شئ بشع للغاية حتى لو العادة دي كانت كوباية شاي .☕
2
-2
