من كام سنة اتفقت مع صديقتي ان نقرأ رواية معينة وبعدها نتناقش في أحداثها 

استغربت قوي وقت النقاش ان في حاجات في الرواية لفتت انتباهي وما استرعتش انتباهها ... في جمل ومواقف في الرواية دي وجعت قلبي بس هى ما حستهاش.

واكتشفت ان مش بالضرورة لما اتنين يقروا رواية او يتفرجوا على فيلم معين يحسوا نفس الاحساس

الروايات ... المسلسلات والأفلام.... الموسيقى وحتى وقع المواقف اللي بتحصل حوالينا علينا بيختلف .... يمكن لاختلاف طبايعنا او تجاربنا او الجروح اللي جوانا عن بعض.

غالبا الاحساس اللي بنحسه لما بنتعرض لموقف او نسمع جملة او تشد انتباهنا موسيقى معينة بيبقى سببه وجع او خذلان او حتى فرحة حسينا بيها في يوم من الايام وهو فكرنا بيها مش اكتر .