مزعج للغاية ادراكك - فجأة - للتغيير الكبير اللي حصل لشخصيتك في خلال سنين معدودة

مزعج للغاية معرفتك ان هدوءك الشديد سواء في حزنك مع الخساير وتقبلك ليها أو فرحك مع الانتصارات و احتفالك بيها سببه محن شديدة عديت عليها واضطريت تفضل واقف على رجليك ومتنهرش لأنك عارف انك لوحدك مفيش حد في ضهرك لا قريب و لا بعيد الا فيما ندر

يمكن الشئ الوحيد اللي بيديك احساس بالراحة تجاه التغييرات دي – أحيانا – يقينك ان سبب التغيير ده ثقتك في الله و تدابيره مش يأس من رحمته – ده ان تيقنت –