في صفات فى بتتشاف من الناس وحشة😈 بس انا متقبلاها وبجد بتريحني من جوا فمش بيفرق معايا رأي حد .😌

الصفة الوحيدة المجهدة بالنسبة لي وبتخليني احيانا اصارع نفسي علشان اعرف اتخطى اي موقف😠 هي لما حد اعرفه او بتعامل معاه كتير او قريب مني بيعمل حاجة تتسبب في مشكلة معايا .  

انا قبل ما اتخطى تبعات المشكلة دي .

 ببقى عاوز اعرف السبب فيها🙄 .. واناقشه🤫

 علشان اتاكد اننا مش هنتعرض للمشكلة دي تاني لو رغبنا او اضطرينا نتعامل سوا تاني .

 لو مااتصرفتش بالطريقة دي مش بقدر ارجع للعلاقة دي زي ما كنت قبل كده🤕 سواء كانت شخصية أو مهنية و بلاقيني بسطحها حرصا على نفسي من جوا وحفاظا على كرامتي .

العلاقات اللي سوء التفاهم فيها او حتى التقصير بيتعالج بطريقة اقلب الصفحة وخلاص ونكمل من نقطة ما قبل المشكلة 😒من غير ما تتفهم اسباب اللي حصل عاملة زي حيطة بهدلها نشع الميا من السباكة البايظه فلزقنا فوقها ورق حيطة شكله حلو نداري البايظ منها بيه فترة مؤقته 😣 قبل ما يرجع يبان تاني

الصح بيكون اننا نرمم بياض التخشين اللي اتبهدل وندهن فوقه من اول وجديد عل نضافة علشان يستمر معانا كتير .