القِراية

للرسول كانت بداية

قالُّه ربنا فيها إقرأ 

بسم ربك أول آية

مأمورين نقرا ونعلم

أمر لازم لُه نسلم

نقرا نتعلم نكلم

بعضنا بعلم وهِداية

القِراية

للرسول كانت بداية 

قالُّه ربنا فيها إقرأ 

بسم ربك أول آية

.....................................

حِب مَكتبتك وكُتُبَك

تبقى مُتميِز جميل 

دي القِراية نور لقلبك

والكتاب صاحب أصيل

إقرا حتكون يوم مُثقف

يومها كلنا ليك نسقف

نفتخر بيك لما نعرف

مفيش في حِلمك مُستحيل

مأمورين نقرا ونعلم 

أمر لازم لُه نسلم 

نقرا نتعلم نكلم 

بعضنا بعلم وهِداية

القِراية

للرسول كانت بداية 

قالُّه ربنا فيها إقرأ 

بسم ربك أول آية