أجمل أديبة وشاعرة

أجمل أديبة وشاعرة

فنانة راقية ومُبهرة

مِن صُغرها بان عنّها

معجونة فَن مُفكِّرة

دَرسِت علوم درست شريعة

ونقد بنّاء مين قرا

ركائز الحب العشرة

خِصال جُمال لا تُشترَىَ

وبَعدها أشواك في حُضن

الورد جاية مِعطرة

وجمال كلامها في تشابُك

سِرِّي يدعو لمفخرة

وفي شِعرها تِلقَىَ انها

راقية ووزنها مسطرَة

ودا غير كمان مقالات كتير

توصف تحلل تتقرا

بسهولة للناس كلها

بجميع صنوفهم إيه جَرَىَ

خلاها تِملِك موهبة

مِن هى طفلة صُغيرة

كِبرِت وكِبرِت إبداعاتها

معاها مين هى يا تَرَىَ

دي بنت خالتي الطيبة

اللي لقلبي قُريّبة

أستاذة من زمن الصِبا

غادة الجميلة السُكّرَة

ويّاها نَلتقي نَرتقي

في حياه ساعاتها قُصيّرة

يارب حقق حًلمها

وفاجِئها فرحة مِقدَّرة

يارب فرَّحها قوي 

ما آهي فرًّحِتنا كتير قوي 

شاكِر وجودِك أنا قوي

في حياتنا نجمة منورة