إديتك أكبر من حجمك

لا بفترى ولا انا بهاجمك

ده انا كنت شمسك فى نهارك

وكنت فى الليل انا نجمك

كام مرة اقولك ولا حاسة 

ولا حتى بالحاسة السادسة 

إنى بحبك بهوايا 

بجوايا وبحواسى الخمسة

ورد فعلك كان صدمة

وقلبى فجأة بقى فى أزمة

نِعمَ الحبيب كنت انا ليكى

وطلعتى مش وش النعمة

.....................................

يا خسارة الوقت الضايع

وياكى يا مسببة جرحى

أنا أيوه عمرى ما اكون بايع

إزاى قوليلى حتتسامحى

بعد العشم بعد التلميح

بان وشك التانى بتجريح

وانا قلبى كان واضح وصريح

لكن انتى كنتى بتتصالحى

مع غدر وقساوة قلبك 

إديتك أكبر من حجمك 

لا بفترى ولا انا بهاجمك

ده انا كنت شمسك فى نهارك 

وكنت فى الليل انا نجمك

اسلام ابو علم