يارب وفقنى 

وانصرنى ع الظالمين 

يارب فوقنى

من حزن عمره سنين 

الفرحة مش عايش فيها 

ولا عارف أتلم عليها

أنا ليل نهار مستنيها

والإنتظار سكاكين

........................................

يارب قدرنى

على نعمة النسيان

قوينى صبرنى

وانصرنى زى زمان 

وحشتنى أيام الماضى

تملى حكياته قصادى

أنا كنت عايش فيه راضى

وقليلة فيه الأحزان 

.........................................

يارب سهلى

آخد حقى اللى راح

ولعندى يوصلى

وانسى سنين الجراح

وابدأ حياه تانية جديدة 

أيامها فرحانة سعيدة

وصفحتى ترجع بيضا

واملاها بالأفراح