وشوشتها

حبيبتي ميلت على ودانها..

وشوشتها بخوف قتلني

يا يما قولت لها كلمتين غصب..

وجعولي قلبي

بقيت كيف المدبوح بسكينه تلمه..

زلزلوا روحي

قولت لها يا يما..

مالي فيكي أنا نصيب يا ضي عيني

بيني وبينك جسور وبحور..

ما أقدر أعديها

وربنا المعبود وحياة العهود..

بدعي ربي يهونها

قلبك العاشق..

والله ما كنت ناوي أغدر وألاوع

ولما أنظر دمعك..

على خديك والله قلبي ينازع

قدر الله وما شاء فعل..

اللي يبية ربي يكون

يا حبيبة هو في غيره..

ليه حكم على الكون

قلبي بعيد عنك..

يتقطع ويتلوع

وايش أسوى..

وإنتي حبك بيا مزروع

كيف أقطع جذره..

من جوه روحي علميني

أعيش أيامي الجايه..

من غيرك كيف خبريني؟!

روحي فداكي وقلبي ليكي..

مرسى والله وأمان

يا سفينة مشرقة ومغربة..

بعمري في كل زمان

جوه مني منار يضوي ليالي..

بنيته بقناديلك 

حفرتك بير غويط..

يسقي زرع أفراحي بليلك

طب كيف أعيش بلاكي..

يا منية القلب

والله ما بيدي حيلة..

عني ببعدك غصب

ويا صبر قلبي صبر ..

على ما صابه ما اعترضت

ده حكمك يارب وبحكمك..

رضيت وما أبيت

أحبك أهواكي أعشقك..

لكنك تفضلي محرمة

يا قلبي اثبت..

ما تقتل بزيادة اللي بيك مغرمة

يا حته مني غصب بنزعها..

وعن سنيني بعدتها

الله يسعدك ويرزقك..

وما تشوفي من الدنيا أوجعها

يا قمر منور الدنيا والكون..

عشقتك بدر وقمر وهلال

وسامحيني يا أرضي وناسي..

كنت طالب الوصال

وغصب عني بعدت عن طريقك..

منا الليلة قتلت إحساسي

منا وإنتي..

ما عدلناش نصيب وفرقنا القدر..

يا قمري ووناسي

سامحي قلب عشقك لكن فراقه..

قدر أكتب على العاشقين

وأهو قالوا زمان..

المكتوب على الجبين لازم تشوفه العين