بتسأل وتتعجب عني وعن..

حبي وسري

دي ست البنات مالكة..

عشقي وأمري

بناديها يا ست البنات يا غالية..

يا أم نظرة سارقة

نظره منك دوبتني في ثانية..

ملت القلب بحرقة

يا قدك القاسي..

مرسوم بسكين حده يقتل

رحت وياكي للسما السابعة..

بيكي أنا محتل

عشقتك وهويتك..

غنيتك في أغنيه

مسكت الربابة وليكي إنتي..

قولت غنية

ست البنات أسرتني..

خدتني يا با بهمسة

رققت قلبي وجعلته يغني..

كالربابة بلمسة

وآه من ألحانك يا قلبي..

يا متغلب ومتعذب آه واه

مفيش رجوع دي بالهوى والجوى..

خدتك للسكة  آه

هويتها يا ناس..

يا هوووووه يا هووووووووه

حد يحنن قلبها عليا ويقولها..

يا نااااااااااااس يا هووووه

بعتلها مكاتيبي رجعتلي تاني..

دلدلت أنا وداني

البوسطجي قالي يا ولد أبوك..

دي من وادي تاني

بعتلها مراسيل يتوسطوا..

للعاشق قلبي

قالتلهم مالي أنا بيه..

قلبي ملك أهلي

يا بنت رقي وحني..

ده أنا غلبان..

وإنتي غالية وعالية..

وفوق بالعلالي

ولبرجك كيف..

اطلع ولا أطير؟!..

دوبتني وسرقتيني..

من خلاني وأهلي

يا ناس دلوني كيف ليها أوصل..

وأنا حالي بسيط..

وعشقت القمر

ماني غني..

ولا بالريش والدهب متغطي..

قلبي حب ومالك الملك أمر

شكلي هروح فطيس..

وأموت غريق..

ببحور حورية من الجنة

لاء دي عروسة بحر..

على الأرض بتتمشى..

تغنى يا تمر حنة

يا ست البنات ريحي قلبي..

نفسي أنول الرضا بنظرة

نظرة تريح القلب الدايب..

مالو ذنب رايد بس نظرة

والله لجيب كل..

أهلي وخلاني وأصحابي..

أقف على بابك أدقة دق

أقول لأهلك يا ناس غيتوني..

من قلبها القاسي..

عشقتها وبريد قلبها يدق

والله لخطفك..

وأخبيكي جوه نن العين..

يا ضي العين..

يا قنديل يقيد سمواتي

وأقولهم والله..

ما شوفتها ولا أعرف..

طريقها وين واشي أسوي..

يا بت إنت حياتي

يا ست البنات..

يا حبيبة القلب والروح..

نسجتك جوه قلبي..

بيت كله براح أعيش فيه..

بتمناكي تكوني أم لعيالي..

أخرج مطمن كل يوم الصبح

وأعيش معاكي فيه..

أبعد وأقرب وأرجع..

تاني فيه أسرح بعقلي

يا حب العمر..

يا سر قوتي وضعفي..

ما أنتي أنا يا كلي

يا ست البنات..

بناديكي حني ورقي..

وانظري للعاشق الولهان

يا ست البنات..

يا حلمي وحبيبة..

عشانك إنتي..

راح أهد جبال عمان