قالوا وحكوا عن قلبي الصياد..

عني قالوا حكايات،،

معرفوش إني صياد..

بالحنان سارق لدموع وآهات،،

أحب وأعشق وأكره جرح القلوب..

مهما احساسي مات،،

ما أنا الصياد المداوي لكل الأوجاع..

حاضر بجوابات للقلوب تطبب،،

بلون الحب الصافي أحب ألون وأزوق..

نن عين البنات،،

أجمل الشفايف بعسل وشهد الغرام..

الدايب بسكر النبات،،

أسرق بلمحة حزن السنين وأحوله..

لروقان وضحكات،،

بلمسة حنان أشيل هم وغم وتعب..

دهر عدى وفات،،

بنظرة أطيرها بين..

السحاب والغيوم عصفور،،

غمزة ولمسة تعوم في بحر..

خيال ملاك مسحور،،

صياد أفهم في كل صنف ولون..

دقت كل البحور،،

عارف ضعفي وقوتهم منين جايه..

يا بنات الحور،،

بكلمة ارسم لها الكون بيت..

متزين بنجوم الغرور،،

كام كلمة تنسى الدنيا ومشاكلها..

وليها أكون النور،،

تقولي يلا قوم نرقص..

نفرح..

انت في قلبي مسجون،،

ما تعرف أني صياد القلوب..

فني غالي..

وقلبي عالي..

مش مجبور..