مشاعر متناقضة

ليه بحس معاك..

بمشاعر متناقضة

أخوية على حب..

على أمومة فياضة

وكأنك حته مني..

نفسي أراعيها

أحميها أحفظها..

وأفرح يوم بيها

بكره جدا اسمع عنك..

شيء سيئ

وبفرح وبطير ..

لما أشوفك متهيئ

بدعيلك بالخير والرزق..

وبنت جميلة

تكملك نص دينك..

رزينة وعاقلة

ومعاك شقاوة بدلال..

ونعومة بليونة

حفظاك رعياك..

حباك بيك مفتونه

منا عارفة  والله إنك طيب

ورغم قساوة الوش حبيب

كلك حنيه وللقلب قريب

وبجد بجد..

بكون مبسوطة وأنت في الأجواء

أصلك عارف أزاي تراعي الأهواء

وبتجنني وتهديني..

ولمزاجي مراعي ببساطة

وكأنك للروح توأم..

أو حتى طفل كله لماضة

ويارب يخليك ليا..

ويبارك في عمرك يا قريني

يا أحلى ما في أيامي..

يا قمر لياليا يا عيوني