حبيبتي آسف مضطر أقولك

إنتي وجع

حبك وجع

قربك وجع

هجرك وجع

بسمك وجع

غناكي وجع

وأنا واحد شاف العجب

انجرح .. آه من التعب

اتقطع  .. وبيه اتلعب

وبدون سبب ...!!

اتغدر بيه واتخان

حَب زمااااااان !!

بس الآخر كله هوان ...

أصلها طلعت مش تمام ..

أنا إنسان كتير اتوجع

طب يرضيك يا غالية ليا الوجع ..؟؟

أنا واحد محتاج إلى يسقيني الشبع

يملى أيامي وليالي من غير وجع

وحبيبتي من نقص حنان بتعاني

آه بتقولي نقصك جاي

من إنك تدي مش تاخدي

لكن يفضل جوايا منك نقص ووجع ..

أيوه أنا كمان مش هنكر وأكابر

وعشان كدا نكمل مش راح نقدر

وصدقيني مش غادر

آسف .. حبيبتي ...

ما بينا خلاص اتكتب البعد..

وهنفارق بعض لازم ولابد

ما هو مش معقول

كل ما أقربلك في الليل

ألاقيكي تبعدي وبتشكي ...

ولما أبعد تيجي تصالحي

وكمان تبكي وتحكي

حبك وجع، قلبي اتوجع

وخلاص مش راجع