عاشت حِلْمَت ببساطة..

بزوج وحبيب،،

لكن قدرها مفيش ليها..

منه لطفل نصيب،،

سألتها ولادك مين جوبتني..

معنديش.. ترضي بنتي تكوني؟..

تنوري أيامي..

وتبقى لعيني الضيّ؟

بكل بساطة وهدوء..

وبفرحة غريبة..

رديت..  طبعا.. ويشرفني..

واستغربت لية كدة رديت،،

بس لقيت عنيها ابتسمت..

دمعت.. ووشها حتى شفايفها.. لمعت..

مجرد كلمة بسيطة..

فرحت أوي بيها،،

نقلتها لدنيا سعيدة..

ياما حلمت تحويها،،

ياااه.. أد إيه في قلوب لسه..

رغم القسوة بريئة،،

بتفرح بس.. بكلمة بسيطة..

من القلب.. وجريئة،،

من قلبي لقتني فجأة..

بردد من جوايا..

والله بيكي فرحانة..

أكتر من فرحتك..

إنتي بيا.. يا أمي.