مش ذنبي واعذرني أنك مجروح بتعاند مع نفسك علشان ناس جرحوك، مقدرش أساعدك وأداويك، ولا أقف جنبك في مشاكل تموتني بغيرتي لناس غدروك.
مش ذنبي ولا ذنب الناس إنك مجروح، ما أحنا مش أطبا، ولا بنعالج ونطبب للناس في جروح، مش ذنبي ولا ذنب الدنيا إنك بتقاسي، وبتصرخ بوجع قلب وروح ومحدش حاسس ولا راسي.
مش ذنبي ولا ذنب البني أدمين أنك بتعاني، ماهي دنيا مليانه أغاني وتشعر أشعار مواويل وأغاني، مش ذنبي ولا ذنب البشر إنك بتموت، والقلب يتقطع فتافيت زي السكر بتدوب تتقطع زيي التوت.
مش ذنبي ولا ذنب العالم إنك حيران، بين قلب وعقل وروح مساكين ضايعين، وسط آهات التوهه، مش ذنبي ولا ذنب الكون ده كله إنك ضعت، بسبب جرح مأثر ومعلم كأنه سكينه بالقصد في القلب انزرعت.
مش ذنبي ولا ذنب حياتنا إنك مظلوم مقهور، ما هي دنيا ماشية في دايرة، ومهما تقول لها رب معبود يعيدك مجبور، اعذرني يا سيدنا..
ما هو مش ذنبي ومش عارفة أعمل إيه ينسيك، دي الدنيا والكون كله، ما يساع قلب مجروح، مهما قابله قلوب بيضا صافيه عايزة تحميه.
مشكلتك ياللي بعيوبي وبرودي وجفائي ظلمني ورميني، أنك سبتني أرجع تاني بأحلامي وقلبي لواحد تاني، أفرح وأضحك وأعيش وياه ومعاه وبيه بكل كياني.
عارف أنت معاك بحس أني خلاص في عالم متواني، مليان فل وأزهار سعيد وجميل وردي بشكل متوازي، وياه بحس أني خلاص مش صخره مرمية بصحرائي، أني كائن متحول لسعادة وهنى بتملى كوني وهوائي، معاه بحس إني مايه سارحة ما بين كفين شدني، كل ما فيها بينادي عليه يناجي فيه أنثى بكوني، إني إنسانه نسايه لأحزاني ومحققة لأحلامي، أه صحيح عايشه وياه بس بخيالي وأوهامي.
ويكفى فرح أن بسببك بقيت بكتب كتاباتي، عشانك بدأت أحس وأحب وأعيش بحكاياتي، ورغم بعدك إلا أن حبك بجد ملاني آمال، إنت إنسان تاني غير كل العالم وبجد خير ومثالي، عمرك ما حاول يوم تستغلني أو حبي وخيالي وتنساني، مشجعني رغم مشاغلك ومتاعبك أكون إنسان.
معاك بحس الصفا والروقان وأن الدنيا كلها خير يا حبيبي، بتمني لك الخير تستاهل حتى لو مع غيري ومدقتش بابي، بحبك يا سر جمالي وحياتي وفرحي وحتى شقاوتي، بحبك يا خيالي العايش جوايا يا سر هنايا وعشتي، بحبك يا سر مالي روحي متعشق بكل ما فيا يا سر جمالي، يا سيدي وتاج راسي الغالي وبتمني تكون يوم ليا حلالي.
بحبك يا فارس لياليا وأيامي يا كل أمالي وأماني وإيه ذنبي، ده حبك خلاص نساني مكاني وزماني وعمري يا حبيبي، نساني الدنيا خلاني أدعي ربي أموت في ثواني، وأروح أشكي لربي أقوله يا رب حبيته وتركني.
يارب اجعلني له حور العين وليه قربني، يارب محولتش العب مع غيرة خليه بالآخرة يحبني، يارب يتمنى لقايا يلقيني جواه يهواني يعشقني، يستناني ويدعي لي بالخير ويتمنى حبي وحناني.
2
-2
