الدنيا يا ولدي مجرد

صندوق أعاجيب بيانولا

سبع ألوان..

تلفزيون 100 بوصة

متشكل بسبع فتحات

مليان أوهام..

عايز حقك.. قاتل

اخرج بره الصندوق

وسيح ويا الأحلام..

اتفرج واتعرف وتعايش

مع اللي خنقك وخد منهصك أمان..

أهدافك حققها بنفسك

محدش هيساعدك مش

محتاجه كلام..

نادي أنا مش مكسوف

ولا مكسور ولا خايف بعلو الصوت..

قول.. جروحي عالجتها

بضحكة طفل طالب بجنيه بسكوت..

قاوم الدنيا وكل الناس

عافر وامسك حلمك وإلا راح هتموت..

الدنيا مش تشكيلة فاكهة

فراولة على كيوي وموز

دي عصير نعناع على توت..

ما هي الدنيا بيانولا

صوت مسموع لموسيقى

وفعل ديما مكبوت..