كلنا بنسمع الكلمة دي 

وبنتعامل بيها في العلاقات بشكل عام سواء صداقة او جواز او علاقة أب بابنه 

كلمة فضفاضه تحمل اكتر من معنى 

باختصار شديد

 انا شايفة ان أي حد مش مرتاح مع حد يبقى الحل انه  يرجع غريب زي ما كان 

الا لو كان الحد ده قريب من الدرجة الاولى او لو وصلنا معاه  لمرحلة معينة من التعلق  بتخلي من الصعب الاستغناء عنه

 

 في الحالة دي بنتقبله زي ماهو بس نستبعد فكرة محاولة تغييره وفي نفس الوقت منسمحلوش ياخد قرارات مصيرية بدل مننا  

 

العمر اقصر من اننا نستهلكه نغير في حد لأن باختصار شديد جداً مفيش حد بيتغير 

والطبع بيغلب دايما اي تطبع

اللي اتعود يرمي دبش هيموت وهو بيرمي دبش 

البخيل بيموت وهو بخيل 

واللي اتعود يدي غيره دايما هيفضل يدي 

 

عمرك سمعت عن عصفورة بقت غراب لما الأسد قعد معاها وأقنعها تتغير وان عيشة العصافير اللي هي عايشاها  دي مش جايبة همها وانها من مصلحتها تبقى غراب!! 

 

السؤال هنا قبل مانغير اللي حوالينا 

هل هيتغيروا  للاحسن 

ولا للاسوأ اللي احنا شايفينه الاحسن!! 

 

#monaelokda منى العقدة