(انا قصدي شريف) 

كلمة تضحك أوي بقدر سذاجتها بيقولها الراجل لما يحب يحسسك انه مش هيلعب بيكي ولا هيخدعك فيقولك هتجوزك... 

وكأنه بيكافئك مكافئة كبيرة المفروض بعدها تتنططي من الفرحة!! 

الأهل دايما يروحوا يقولوا للبنت خدي اللي دخل من الباب هتحبيه مع الوقت وسيبي اللي بيحبك وتحبيه 

ويروحوا يقولوا للراجل متتجوزش اللي مشيت معاها وكأنهم بيعاقبوها وهم من غير ما يدروا بيعملوا فيها جميل العمر... 

ملحوظة: 

مش كل اللي بيتقدم للجواز هو شخص شريف 

التخبيط ع الباب مش مقياس لجودة الرجال ومعرفة معادنهم!!

ياما رجالة كتير اتقدمت لبنات الناس وبهدلوهم

وياما غيرهم مش عارفين يتجوزوا أو خايفين من خطوة الجواز نفسها 

لا الاولانيين ملايكة ولا التانيين شياطين!! 

مش كل اللي بيدخل البيت من بابه قصده شريف 

فيه ناس بتدخله طمع 

اللي محتاج خدامه واللي محتاج مربية واللي محتاج يخلف

واللي محتاج يرضي اهله واللي محتاج يرضي نفسه

واللي محتاج وعاء واللي محتاج يتعالج نفسياً !! 

روحوا زيارة سريعة خمس دقايق لمحاكم الأسرة 

هتلاقوها مليانة باللي قصدهم كان شريف ... 

#monaelokda منى العقدة