لما سألتها مشكلتك ايه مع خطيبك
قالتلي مبنتخانقش!!
استغربت جداً وفكرت كده شوية
قولتلها
_وهي دي مشكلة؟!
قالتلي
_طبعاً مشكلة
احنا مبتخانقش على حاجة أبداً
نفسي احس إحساس اننا بنتصالح بعد خصام شديد
بقيت احس ان علاقتنا زي العلاقة بيني وبين الشاحن والتليفون والكمبيوتر
مبتنخانقش دي خلاصة المأساة اللي بعيشها
فكرت في كلامها وتوصلت لشئ
ان زي ما الخناقات الكتير مش مستحبة
كمان ان ميكونش فيه خلاف ما بيجمعك انت والطرف الآخر نهائيا كارثة
ده بيكون معناه وجود حاجز وان كل واحد منكوا في وادي وان التلج بيتراكم على ارواحكم فبتوصلوا للتبلد
وفي نفس الوقت الخناق الكتير مش كويس وبيكون مؤشر سئ لو استمر
الخلاف لو كان بمعدل طبيعي شئ صحي
بيبين ان كان الشخص باقي عليك ولا انت مش فارق معاه
المهم هتخرجوا من الخلاف ده بايه
متمسكين ببعض أكتر من الاول ولا هتكون نهاية المطاف !!
#monaelokda منى العقدة
2
-2
