هنتكلم النهارده عن الكائن الامعة

والإمعة كانت شتيمة قديمة جداً معناها: شخص يقول لكل أحدٍ: أنا معك، ولا يثبت على شيء لضعف رأيه 

وفي نوع تاني من الكائن الإمعة وهو اللي لما بيحصل موقف بينك وبين حد يعرفه وفيه بينهم مصلحة هتلاقيه اتقمص وخد جنب منك بناء على موقف الشخص اللي يعرفه 

وده أنا بصنفه (كائن) لاني مش بعتبره انسان زينا 

والنوع ده بيندرج تحت الكائنات المنعدمة النفع او الضرر 

يعني وجودها زي عدمه بالضبط!! 

والمفاجاة المضحكة انه زي ما هياخد منك موقف عشان صاحبه هياخد من صاحبه موقف عشان حد تاني!! 

اعتقد ان الانسان ده مش أهل انه ياخد موقف في اي حاجه في حياته 

وانه حتى ميقدرش يشتري لبس لوحده لازم حد ينزل معاه يلبسه الهدوم ويقوله حلو ده اشتريه

كمان مبيتجوزش الا بناء على قرار من حد من العيلة من الدرجة الاولى وميضرش التانيه ويجوز التالته 

نصيحة.. 

لو كنت تعرف شخص زي ده وبعد عنك

زغرط!! 

ايوة زغرط كتير ????

ده أكبر خير وبركة 

وابقى وزع على روحه ازايز ميرندا من الصفرا اللي شبهه دي.. 

#monaelokda منى العقدة