بتحبه ليه؟! 

سؤال بيخطر في بالك تجاه شخص وساعات مبتلاقيش سبب بعينه هو اللي خلى الحب ده يحصل 

ف لما متلاقيش اجابة لسؤال زي ده بيحصلك نوع من انواع الحيرة واللخبطة 

 وقتها فعلاً لازم تتأكد انك بتحب بجد 

لأن طبيعي جداً ان اللي بيحب بيحب بدون أسباب 

بدون داعي 

ومن غير ليه 

مينفعش تكتب شرح مفصل لحاجة ربانية بتحصل في الروح  

حاجة مينفعش فيها سؤال كيف بدأ الحب؟! 

ملهاش خطط استراتيجية ولا رسم تشريحي ولا ضوابط وشروط !! 

 لازم تتأكد انك يوم ما هتحضر ورقة وقلم وتكتب قايمة معتبرة فيها أسباب وتوجهات ودوافع حبك يبقى تلقائي ده مش حب !! 

الحب بيخليك تاخد شخص بالكامل 

كيان وقلب وعقل 

مزيج العيوب بالمميزات 

الأحداث الصعبة والذكريات الحلوة 

الغضب واللين 

الأبيض والأسود 

من غير ازاي 

ومن غير ليه 

ومن غير امتى 

لما حد يقولك مش عارف بحبك ليه لازم تصدقه... 

(الحب يخلو من أسباب الحب) ...