مش قادره اكبت رغبتي في إني اكون كيس بسلة
مدورة كده وخضرا وملهاش في حاجة
لاحد بيقولها انا زعلان منك والله عشان انتي مكورة زيادة عن اللزوم ولا حد بيعاتبها انها عملت وسوت
قاعده كده في حالها في الفريزر
مقطوعة من شجرة
لا ليها اهل يضايقوها ولا بتشتكي ان الجزر قصر معاها في حاجه ومبقاش يطل عليها وهم عايشين في حلة واحدة
متلاقيش اللي يقولها انتي مختفية فين بقالنا كتير مشفناكيش
ولا امتى هنفرح بيكي بقا
لا عندها تليفون يرن ولا وراها مسئوليات
عارفة مقدار نفسها عشان فيه منها كتير مش هتفكر تحلم وتسرح بخيالها وتبقى آيس كريم ولا أم علي
عارفة قدراتها وان آخرها كيس مرمي في التلاجة..
في ناس كتير جداً جداً حوالينا زي البسلة ودول مش بيعرفوا يعني إيه معاناة لأنهم ميعرفوش يعني ايه انسان يحلم أحلام أكبر من الظروف المحيطة بيه
والناس دي اكبر طموحاتهم في الحياة انهم يتسابوا أطول فترة ممكنة في الفريزر ..
#monaelokda منى العقدة
2
-2
