بمناسبة اليوم العالمي للاب
حبيت اقول كلمتين مهمين
بشوف ستات بمجرد انفصالها عن الراجل اللي قضت معاه سنين حلوة ومرة
بتاخدها العزة بالاثم وتحرم الراجل اللي انفصلت عنه من انه يشوف أطفاله وبتشوف ان ده العقاب المناسب له!!
أحب أقول للستات دي انتي مش بتعاقبيه هو
انتي بتعاقبي اطفالك من غير دراية منك وبتخلقي بايديكي طفل مريض نفسياً
بتديهم الخيط اللي يكونوا بيه أمهات وآباء غير سويين نفسياً في المستقبل
متستغربيش وقتها لما تلاقي ابنك او بنتك بيعانوا من أمراض نفسية
الأب هيظل أب حتى لو كان وحش كاسر زي ما الام هتظل أم حتى لو كانت فاسدة وغبية ..
هتلاقوا ورا كل المرضى النفسيين اللي بنشوفهم في الشارع والشغل
والنادي والمستشفيات
أب أو أم زرعوا فيهم الكراهية أو الحقد أو الخوف
لما بتكلم طفل عن أبوه بشكل سئ انت بتعلمه ازاي يكون قاسي وجبان وعنيف
لما طفلك يكون مرسال وقت خصامكوا بتعلمه ازاي يبقى استغلالي و ينقل كلام
لما طفلك يشوف مشاكلكوا بعينه ويعيشها بيكبر قبل أوانه
يمكن العلاقة بينكم انتهت
العشرة استحالت
والتفاهم بقا صفر
ووصلنا حيطة سد
لكن الابن استحالة هيطلق أبوه او ينساه او يلغي فكرة انه موجود!!
القسوة بتجيب قسوة
واللي بيزرع جفاء بيحصد الجفاء
اتكلموا عن بعض بالخير ادام اطفالكوا حتى لو بينكم ما صنع الحداد
دورك گ أم مش إنك تأكلي وتشربي وتنيمي وتودي مدارس وتمرين
نفسية طفلك هي دورك الحقيقي
بلاش العاطفة تعميكي وتزرعي في ولادك قسوة وعنف لان وقتها هتكوني اول حد يجرب فيها ولادها قسوتهم
(الأبناء نبات انتي أرضه)
كل عام وكل أب بألف خير
#monaelokda منى العقدة
2
-2
