"لا أهتم بالحدوتة ولا أهتم بالحلول للواقع، ما يهمني فقط التفاصيل، هناك أشياء صغيرة أحاول تمريرها في أفلامي أتمنى أن يفهمها الناس"
هكذا تحدث محمد خان يوما ما
تفاصيل المشاهد في فيلم "زوجة رجل مهم" كانت جزء من الحكاية
لو مش واخد بالك بعد مرة اتنين تلاته عشرة كل مرة عندك تفصيلة جديدة تخليك في حالة حب مع الفيلم
اتفرجت على الفيلم مش عارفة للمرة الكام يومين ورا بعض وكل مشهد فيه كادر مميز . الحلق الفراشة وتركيز الكاميرا عليه في بداية حياة منى/ ميرفت امين واشارته للحرية والبساطة لسة قبل ما تتجوز هشام/ احمد زكي.. البلكونة والستارة اللي جدتها شغلتها بايديها_ المشهد الاول خالص ومانشيت الجرنال " جمال عبد الناصر "وصوت عبد الحليم حافظ على شاشة السينما واللي بيتنقل للتليفزيون لما بتكبر وبعدين الكاسيت اللي بتوثق عليه ذكرياتها بصوتها _ فصول السنة اللي بيأرخ بيها المخرج مراحل حياة الابطال من شتاء ١٩٦٢ لربيع ١٩٧٥ لخريف ١٩٧٧ في إشارة عبقرية ومقصودة لاحداث سياسية واجتماعية للابطال .. حتى الطيارة الورق اللي الكاميرا لقطتها أثناء زيارة الظابط هشام عشان يتقدم لمنى في المنيا وهما قاعدين في الصالون _ كل حاجة كل لقطة
الفيلم انتاج ١٩٨٨ وفي تقديري أنه كان نقد واضح للسلطة
كتبه الناقد المهم رؤوف توفيق اللي اتوفى اكتوبر اللي فات في هدوء .. وكتب غيره زي مستر كاراتيه ومشوار عمر وكان رئيس مهرجان الإسكندرية السينمائي في وقت ما
وله كمان عدد كبير من الكتب منها ( السينما عندما تقول لا_ سينما تلحب_سيزما الزمن الصعب_سينما اليهود) وغيرها وبالمناسبة كلهم مالهمش نسخ على الانترنت للاسف وسالت عليهم في مكتبات الهيئة وبعض المكتبات مالقيتهمش
رؤوف توفيق هو صاحب السيناريو والحوار لواحد من أهم واجمل الأفلام المصرية على الاطلاق "زوجة رجل. مهم"
عاش كل فن حقيقي وراه شخص مؤمن بنفسه وبالناس
رحم الله محمد خان ورؤوف توفيق
2
-2
