ماتقدرش ماتفرحش بالمساحة اللي اتفردت امبارح لتكريم الفنان المصري الكبير عادل إمام في مهرجان جوي اوردز على خشبة المسرح. في السعودية. طبعا الجائزة اللي أتذكر أنها لمرة واحدة واستثنائية شىء مهم خصوصا أن الزعيم ماجريش يستلمها هو بعت ولاده ... بس الحقيقة أنا كنت سعيدة اكتر لحاجة تاني كانت في الجون وعظيمة وتسلم ايد اللي جمعها
معظم الناس اتكلمت عن كلمة أولاد رامي ومحمد اللي وضحت تربيتهم الجيدة وهدوءهم ولباقتهم في الكلام خصوصا رامي وإشارة محمد لفلsطين
أو دموع الفنانين المصريين اللي حضروا والكاميرا جابت وشوشهم زي مني زكي وليل علوي
لكن الفيديو اللي اتعمل عن عادل إمام قبل صعود أولاده المسرح كان عظيم وعبقري وماحصلش ليه بقي؟
الأجزاء اللي تم استخدامها من حواراته السابقة أو تسجيلات خاصة له انا ماسمعتهاش قبل كدة وأنا تقديري ان الفيلر معمول من شخص مقرب منه واللي يأكد كلامي كلمة رامي امام لما قال: "كنت حريص في الفيديو على انه فيه رسايل معينة تتقال"
اظن انها رسائل زي ما قال رامي لناس كتير .. رسائل لكل اللي في وقت ما حرّم الفن وحاول يجرف عقول ووعي اجيال كاملة باسم الدين ودلوقتي بيحتفل بالمنتج ده ..ورسايل لكل شخص عايز ينجح ورسايل لبلاد تملك الان تاريخ ولا شىء سواه في زمن الفلوس اهم حاجة
الجمُل دي قال فيها عادل إمام:
"الناس دي بتقولك ان الفن الحرام طبعا ده شىء مش ممكن ان الفن حرام وحتي رافض هذه الفكرة، اقول لولادي ايه؟ اقول انتوا بتاكلوا حرام ؟ انا روحت اسيوط عشان كدة ورايح خوفا علي بلدي"
"هاقولك حاجة بمنتهي الصراحة انا حاسس بسعادة حاتقولي ليه مش عارف عندي احساس بالسعادة"
"خشبة المسرح دي شغلانة في قلبي وروحي وكياني من وانا صغير "
"في مثل يقولك المسرح لا يعوقه القبر التذكرة دي عقد ازاي الناس تصدقك ازاي الناس تقتنع باللي انت تعمله حب مهنتك هي هاتحبك "-
"الزوجة مهمة والاسرة شىء جميل "
"الصدق هو اللي بيحدد ده وانتماء الممثل لجماهيره هو اللي بيحدد استمراره او عدم استمراراه "
"أنا اعتقد اني بسعد الناس انا اعتقد ان ده شىء جميل جدا في حياتي "
" انا صاحب اسرة اصلي وعندي اسرة لو رجعت الأيام دي هاختار الست دي تاني'
يفضل عادل امام حالة مصرية استثنائية في تاريخ الفن المصري .. شخص عمل كمية اعمال لو فتحت ودورت عليها هاتلاقيها متأرشفة عقد الستينات والسبعينات والتأمينات والتسعينيات والالفينات
وكلها حاجات معلمة في الشارع المصري .. تفضل ال٣ دقات اللي كان بيطلع عادل امام يدقهم قبل بداية العرض وحريص عليهم حتي لو مش هايطلع اول فنان علي المسرح مخلصين له وصدقه ومحبته للي قدمه لأن الصدق مقابله الصدق بلا شك. ❤️
لينك الفيديو في التعليقات
2
-2
