صباح الخير ..

فيه مخبز عيش جوة سوق باب اللوق بشتري منه بشكل شبه يومي، لفت نظري صوت المزيكا اللي شغالة في راديو على بنك المخبز فسألت الراجل الكبير اللي بيبع العيش : حضرتك مشغل البرنامج الموسيقي في الراديو صح؟ قالي اه فانبسطت وافتكرت أنه قاصد

وبعدين رجع قالي الصراحة أنا بحاول من بدري أجيب إذاعة القران الكريم ومش عارف، فكرت لحظة وبعدين عرضت عليه أجيبهاله قالي ياريت لو تعرفي، وفعلا جيبت اذاعة القرآن الكريم وصوت القرآن رن مع ابتسامته وكأنه لقى لقية 

شكرني وبعدين وانا ماشية قالي حطيت رغيف عيش زيادة محبة مني .. 

صبحت عليه وقلت له وأنا قبلت المحبة 

صباح الصدف الحلوة اللي بتطيب الخاطر ..خاطري أنا والله❤️