بحب في الأوقات اللي بكون مشوشة التفكير وعندي غصة مكتومة إني أتخفف..

أتخفف بقى بالكتابة العشوائية، بإزالة ناس بشعر إنهم عبء على روحي، مسح شات بالكامل مع شخص ما، سكرينات كانت عزيزة عليا في فترات ما، أو صور فيها ذكرى معينة مضت وحل محلها ألم، بوستات معينة فاكرة كانت مكتوبة ليه وازاي..

أي حاجة بتشدني لنقطة بعيدة بمسحها تماما عشان ذكراها تدوب مع الوقت..

أنا بس مليش حاضر يعمل ذكريات في المستقبل، فمش عارفة قدام شوية لما أقع همسح إيه!