معرفش يعني إيه جبر خواطر لبلوجر قررت إنها تقدملنا محتوى قبيح زيها من أوضة نومها وسريرها وحمامها وخروجاتها وتقولنا إنها قوية وقادرة رغم التنمر اللي بتواجهه؟

يعني إيه بلوجرز يبقى أكل عيشهم هطل وفضول حضرتك!! تتبع العورات والتقليد والتطلع لحياة الغير!!

يعني إيه بلوجرز يخلوك وأنت زي الشحط كدة طويل عريض تروح محل تطلب أكل بأسماء زي القشطوزة والطسطوسة والكلام اللي لو كان اتقال من عشر سنين مثلا كنا هنعتبره كلمة عيب مش اسم أكلة!!

يعني إيه تعتبروا إن ليهم مصداقية في اعلاناتهم عن البروداكتس اللي أنتم عارفين إن غير عيشتهم السفلقة فهم واخدين فلوس الإعلان وبيحلفوا زور إنها هايلة وجربوها لأن هم هم بيعملوا إعلانات لخمسين منتج غيره.

فوقوا يا جماعة، أنتم اللي عملتوا للأشكال ديه سعر وقيمة وعيشتوهم في فقاعة عمرهم ما كانوا يتخيلوا يلمسوها حتى.