كل سنة وأنا الأم اللي مبيتمناش ولادي غيرها أبدًا.. كل سنة وأنا ضهر وسند وسينسور لكل نفس أو نظرة أو رعشة إيد متغيرة بتحاول تخبي حاجة.. كل سنة وأنا كل اللي أتمنيته لنفسي وكل حضن دورت عليه فتهت وكل بير أسرار مُتقبل العيوب ومقدر المميزات حاولت بقدر ما قدرت وربنا وفقني إني أكونه رغم أصعب الظروف اللي اتحطيت فيها وواجهت وحاربت وهم في حمايتي ومستخبيين ورا ضهري لحد ما ماشاء الله اللهم بارك بقوا أطول مني ويقدروا يحموا ضهري ويسندوني..
كل سنة وأنا مقدرة إني كنت طفلة شايلة طفلة بس قدرت أكونلها أم بكل روحي وكياني وقررت من أول لحظة ليها جوايا مدفعهاش تمن غلطة غيرها، وإن ربنا رزقني بخالد رحمة ولطف بيا عشان عارف إنه النهاردة هيكونلي أنا وأخته سند...
كل سنة وأنا اللين والشدة والقوة والحماية والستر والغطا والملجأ بفضل الله وعندي اللي أديه ليهم ولو كان آخر زادي وطاقتي وروحي، كل سنة وأنا واقفة على رجلي عشانهم وعندي اللي أديهولهم وقت ما يحتاجوه..
كل سنة وهم أصحابي ودفا أيامي البرد ونسمة الهوا الحلوة في صهد التعب والشقا اللي ميسواش حاجة قصاد رضا عنيهم...
كل سنة وهم في حضني وأنا الأم اللي يستحقوها على أد ما أقدر ♥️
2
-2
