من يومين انوثتي اتبعترت في لحظة لما طلبت أوبر وأنا رايحة الشغل، وكان الكابتن بشمهندس محترم ومهذب جدا في سن والدي اتشرفت به ربنا يبارك فيه ويديله الصحة يا رب..

كلمته بقوله حضرتك فين، وصفلي فقولتله أنا خلاص شيفاك وجاية، أنا اللي لابسة أزرق...

المهم روحت وبفتح الباب اللي وراه عشان أركب لقيته بيمشي. 

اعتذرلي بعدها وقام مديهالي في نص راسي وقالي: "أنا أسف جدا بس أنا شوفتكيش لأن الليدز دايما بيركبوا من الناحية اليمين، ثم هو فين الأزرق ده حضرتك! ده لبني"

ساعتها حسيت إني حمبولة في نفسي وأنا بقوله كلها أبواب عادي هي كوشة!! وبعدين اللبني درجة من درجات الازرق على فكرة..