عد تدخل الذكاء الاصطناعي في كل شيء وخصوصا في مجال الإعلام، خلاص مش هيبقى فيه طعم لأي شيء نقدمه،
ولا حنقدر نفرق بين الحقيقي والمزيف،
هنفتقد نبرات إنسانية بتتنهد بحزن وتدفى بالمشاعر وتهدى بالتفكير وتعبر بعنفوان،
هنفتقد تقرير انكتب بحب أو بحيادية أو بحماس أو ب"إنسانية"، أو حتى بلؤم ولي لذراع الحقائق.
هنفتقد متعة البحث عن المعلومة والتأكد منها ولذة الوصول ليها،
هنفتقد كتابة الجملة بشغف،
تخيل لما تسمع كلام اللي كاتباه آلة صماء جمعت المعلومات وقدمتهالك واللي بتقوله برضه مذيعة روبوت نسخة من بني ادم، بس نسخة مشوهة حتى لو بتقول النحو مضبوط والإملاء سليمة.
ولكن، ليست من إنسان لإنسان، بل آلة تملأ عقلك بما امتلأت به، ايا كان،
هنفتقد التفاصيل والتفاصيل هي الحياة، هنموت على وش الدنيا ونتحول لالات.
احنا داخلين على عصر كله مزيف محدش غارف مين قال ايه، وفعلا هو اللي قال ولا صوته اتركب على الكلام
ويا ترى دي هي فعلا ولا وشها اتركب على بنت تانية ف موقف تاني.
أرجو من الله أن يجعله عصرا افضل من أجل أولادنا ولكن فعلا، الإنسانية في طريقها للانقراض لصالح الزيف والعالم الافتراضي.
ساعات باتمنى يحصل زي ما تنبأ الكثيرون ، ومنهم فضيلة الإمام الأكبر أحمد الطيب، هتيجي قنبلة أو حرب تاخد ف وشها كل التكنولوجيا والأسلحة الفتاكة والالات الباردة الميتة والرتابة ونرجع تاني بني آدمين من أول وجديد،
لسه بنبتدي نشعر ونخترع ونفكر ونحسب على ايدينا ونشغل عقولنا، والأهم...نشغل قلوبنا.
يا الله نسأل الله السلامة
بونجور يا حلوين❤❤❤❤
2
-2
