" لقد هرمنا يا جماعة حتى نصل لتلك المرحلة، وحقيقي فيه أمل والله وفيه نغمة حلوة بتشق طريقها، و ركز معايا في اللي جاي من فضلك
*لما أسامي الأماكن اللي اقترنت بالعمليات الإرهابية في سيناء تقترن بالبناء والتعمير يبقى إحنا أخيرا ماشيين هنا صح
*لما مدينة "سلام مصر" تتعمل على بعد 40 كيلومتر من بير العبد الأرض اللي اتروت بالدم يبقى احنا هنا صح والعيال مراحوش هدر
*لما يعلي صوتك بمطالب واقتراحات لتنمية سينا ويتقال لك حاضر ويبدا يدرس وينفذ ف وقت قياسي فعلا يبقى فيه تيار إصلاح ماشي صح
*لما أخيرااااا أبناء سيناء يمدوا إيدهم ويعمروا سيناء يبقى الدولة عاملة معاهم دور لا يمكن يتجاهلوه،
*ولما شركة ابناء سينا وشركة مصر سينا وغيرهم تدخل وتعمر سينا براس مال أهلها فقط فقط يبقى اهل سينا بفطنتهم عندهم ثقة كبيرة ف اللي بيحصل حواليهم ولامسينه بإيديهم،
يبقى انتصرنا على الارهاب عمليا وبجد، أخيرا خرجنا من (نفق مظلم) تخيلنا فيوم ان مالوش نهاية وكتير شككوا فيه
*لو زعلان من حركة إنشاء الطرق والكباري ف كل حتة المرة دي بالذات مينفعش تزعل عليها ف سيناء، لأنك عشان تحافظ على مكان وتدخله ف حضن بلده لازم تكسر عزلته، لازم تملاه بأهله وأهل مصر "أهل مصر وبس" وتقطع السكة على اي تفكير وتدبير
*لما تعارض كل خطأ ولما تلاقي الصح متاخدكش العزة بالإثم وتشاور وتقول على الصح صح من غير ما تخجل يبقى انت صح الصح
"المرة دي شوف بعينك ومتخليش حد يقولك"
دينا عاصم
2
-2
