الوقت ..الصبح بدري وعلى صباح ربي.. وبعد ان خرجت من الشارع الذي أسكن فيه ووصلت ليوسف عباس "لمن يعرفه".. فوجئت بعجلة سيارتي "نايمة"... توقفت بالضبط بجانب "عربية فول" لطالما كرهت تواجدها الذي يشوه الشارع الجميل ..
نزلت من العربية وتلفتت حولي... "مفيش صريخ ابن يومين" ولا أنا جنب البيت فأعود ولا بجانب محطة بنزين ولا أي حاجة...
وفي هدوء اقترب الراجل "بتاع عربية الفول التي لطالما كرهت تواجدها" وقام بكل همة بتغيير إطار السيارة التي لم أكن أعرف كيفية تركيبها واستخدم " الرافع الجديد المتقدم :) " الذي لم أكن أعرف طريقة استخدامه بمساعدة ابنه طفل لا يتجاوز الحادية عشرة كان نائما "داخل عربية الفول"..
مش عارفة اقول ايه..وكم كنت حانقة على نفسي وشاكرة لهذا الرجل..
شكرا شكرا لملح الأرض..
وشكرا للدروس المستفادة ..
وشكرا لكل حاجة حوالينا مهما كنا مش بنحبها او عاوزين نغيرها.. يمكن إحنا اللي محتاجين نتغير..مش إطار السيارة....
الحمدلله رب العالمين على نعمة المصريين.
2
-2
