*أحمد السعدني، نموذج الراجل المتلاعب اللي فاكر نفسه مبيغلطش واللي تملي بيلاقي شماعة لأخطائه، بل وبيعتبر أن أخطاءه تافهة ومقبولة وعلى الآخرين تحملها ولو لم يفعلوا وقع عليهم الذنب الأكبر، 

وبيقتنع جدا إنه ضحية طول الوقت. 

الراجل اللي بيحط راسه في الرمل ورافض يشوف مشكلة ابنه ورافض يشوف مشكلة مراته، هو بيفكر حرفيا في نفسه ويدعي أنه بيفكر فيمن حوله.

*محمد شاهين الرجل المعقد المريض الخبيث اللي أصاب زوجته ب تروما ورعب إنها تحكي لحد عن انحرافه حتى طبيبها النفسي خوفا على مستقبل بنتها لو اتصدمت في أبوها أو لو أبوها تحرش بها هي شخصيا !

مفيش ست ولا راجل واحد في المسلسل إلا وكلهم ضحايا طفولة غير متزنة أو حوادث وقعت في فترة الطفولة كانت مفتاح شخصيتهم.

*الشخصية الوحيدة السوية في الرجال هي الدكتور النفسي اللي راح له يوسف، انسان وابن ناس بشكل 😁 

*الست ام وسام دي أنا مبحبهاش رغم تمثيلها الرائع، إنما مفتاح سر ابنها معاها، مخيفة بجد.

*الأغنية اللي وسام حفظها ليوسف كاشفة ورمزية جداا، مفيش تفصيلة عشوائية الاغنية بتقول "لام شمسية لام مخفية زي السر وزي الذنب"

اتفرجوا يا عيال، "لام شمسية" مسلسل مهم جدا عن علاقة الرجل بالمراة والعلاقات الأسرية عموما