مش فاهمة ايه الغريب في حادثة الواحات،

 اي بنت واي ست واقفة ف الشارع بتوقف تاكسي او مستنية باص او رايحة مكان، بتتعرض لكم غير طبيعي من التحرش، 

كل العربيات بتقف لها ما عدا التاكسي، 

ولو ماشية ف شارع هادي شوية الطبيعي والطبيعي جدا ان عربية تمشي وراها او جنبها

 وف الآخر طبعا يا اما يزهق ويمشي يا اما يتغاظ ويشتمها،  

ودي ممارسات يوميا بتحصل للبنات والستات

وازيدكم من الشعر بيت،

 انه بيحصل لكل البنات من كل الأعمار كبار وصغيرين محجبات ومنقبات وبنات عادية،

مفيش حاجة بتفرق معاهم

ف يا ريت محدش يقول كانوا لابسين ايه او سهرانين ليه، يتقوا الله فينا شوية، اي راجل يقدر يسأل مراته او بنته او اخته او حتى والدته، 

،والله بجد مفيش واحدة بتفلت

حسبنا الله مش ف المتحرش بس لا، 

وفي اللي بيبرر له لأنه الأخطر 

سيدنا النبي عليه الصلاة والسلام قوم حرب لما واحد يهودي تحرش بواحدة ست في السوق

محدش قال ساعتها ايه اللي وداها السوق

قلة أدب وقلة تربية