بجد بجد البوست ده مش اعتيادي ولا يمثل طريقتي العادية في الكلام ومن يعرفني جيدا سيندهش لأن الفاظه خارجة فعلا لكن بجد هي لايقة على المشهد، و على راي مظفر النواب وكلمته الاثيرة عندي(يقولون عني بذيء، اروني موقفا اكثر بذاءة مما نحن فيه)
١-البنت اللي من كام سنة طلعوها جايبة صفر ولما جريت ورا حقها طلعت من الاوائل وورقها كان اتبدل لصالح بنت تانية وهي دلوقت دكتورة اد الدنيا،،، الم يؤلمك ضميرك يا سيادة الغفير ؟
٢- البنت المتفوقة اللي نتيجتها السنة دي اتبدلت ٣ مرات وكل مرة بمجموع شكل لصالح بنت تانية،، الم تخجل يا سيادة الغفير؟ طب شوف دي حقيقة ولا خيال علمي طيب؟؟ ايه القرف ده
٣-الاسر اللي ولادهم اكتر من عشرين طالب كلهم جابوا فوق التسعين (نكاية) في اسرة تانية منافسة لهم!! طب افتح تحقيق طاه يا جدع ! فتحت تحقيق؟؟ طلع نتايجه عيانا بيانا لتشفي صدور قوم مؤمنين بدل ما يخرجوا من الملة بعمايلك
**علامات استفهام رهيبة
العيال عيدان خضرا اهاليهم حطوا فيهم كل املهم وشقاهم واعصابهم اتحرقت ودفعوا دم قلبهم وسط تخبط شديد من الغفير والغفارة وغلبنا نلالي واحنا في وادي يا ربي والغفير في وادي تاني خالص**
مشهد عبثي بامتياز والله وغير مسبوق تاريخيا
٤-الولاد المتفوقين اللي احبطوا بسبب نتيجة مشكوك في سلوكها اساسا، ومجاميع بنت حرام بجد، نعالجهم ازاي من الإحباط ياخوانا
٥- البنت اللي من الاوائل اللي اعترفت انها مبتروحش المدرسة ومحدش ببشرح واعتمدت على الدروس الخصوصية، ممكن افادتها تفهمك حاجة يا سيادة الغفير ولا يا اسمك ايه انت؟؟
طيب اللي معندوش امكانية انه يدخل ولاده امريكان او
IG
حضرتك يعمل ايه عشان ينقذهم من هذا المصير ،
نداء للغفير،
قل لي إلى اين المسير؟ خرجتني عن شعوري، مش كده فيه ايه؟
ملحوظة، معنديش عيال في ثانوية عامة
ملحوظة تانية، سامحوني،
دينا عاصم
2
-2
