مارك الصه يوني حذف لي بوست علشان بعاير فيه
افيخاي أدرعي- Avichay Adraee افيخاي أدرعي- Avichay Adraee بأننا رجعنا ارضنا وهو بيقوللك على صفحته انهم انتصروا ف ٧٣
انتصرتم ورجعت لنا ارضنا؟
طب ده انتصار زي الفل ربنا يخليهولكم وتعيشوا وتنتصروا على الفلسطينيين وترجعولهم ارضهم.
*طبعا الاخوانجية يتمنوا يموتوا، بس محدش يقول ان
السيسي انتصر على الصه اينة واحتفظ للفلسطينيين بغزة وثبتهم على ارضهم،
لو كان نخ، وقبل بالتهجير، كانت فلسطين راحت ف خبر كان واهلها ابيدوا عن بكرة ابيهم
او اتهجروا قسرا فى سيناء.
برافو يا سيسي، لعيب كبير، وراجل بجد، بعيدا عن الغلا والكوا والهم اللي ركبنا
والعك اللي حاصل من حكومة مدبولي،
انت راجل وجيشنا ومخابراتنا شيء يرفع راس اي حد عنده نخوة او عنده عقل
الى الاخوانجية، انا عارفة انكم دايبين ف دباديب الشرع بتاع سوريا، 😁 ياغوتشي
ورغم اعترافه بجرايمه انما يفضل سو كيوت وبسببه غزة رجعت وطلعنا القمر ووصلنا لكأس العالم واكتشفنا علاج للمناخوليا، وعادي بتطلعوا له قلوب من عنيكم،
مش علشان ابيضاني وبدقن، تؤ تؤ،
عشان تربية اخوان تحت السلم، بتوع النصرة واحرار الشام وحمص الشام وبلح الشام والقرف اللي دربتوهم برعاية واحتضان اسيادكم الامري انجلو ساكسونيا وطلقتوهم علينا.
انما ربكم والحق، السيسي علم عليكم للمرة الكام، مبعرفش اعد معرفش😁؟ عدوا انتو بقى
مبروك للباقين على قيد الحياة من اهل غزة المنكوبة بالصها ينة والاخوانجية،
عظم الله اجركم يا حبايب
ومبروك لحماس الافراج عن مئتين أسير مقابل ٨٠ ألف شهيد وغزة اتدمرت
ولو هتقولوا النجاح السياسي مكسب، هاقوللكم صح
بس كان بسبب ابطال واقفين على باب مصر عشان يحافظوا عليها وعلى غزة
وبسبب ٨٠ الف شهيد راحوا معظمهم أطفال لا يملكوا رأي ولا حد سألهم.
وعلشان جدعان السوشيال من كل انحاء العالم ، مش بسببكم خالص على فكرة.
وبالنسبة لخليل الحية، متقلقش هتخرجوا خروج آمن، بس على الله لسانك المتقوع ف السم ينضف، ولو انه مستحيل
الحية بتفضل حية،
وتحيا مصر غصب عن الكل، موتوا بغيظكم الاخوانجية اللي جوه قبل اللي بره،
وبالنسبة لقطر المضروبة😁 موتيني من الضحك يا مضروبة
اصدقائي الاخوانجية، تقولون عني كيادة، اروني موقفا
يستحق ان اكيدكم فيه أبلغ من موقفنا هذا😁
2
-2
