بعض الناس مهووسين بالتصنيف شوية يقولولك إيه ده إنت متحرر أوي.. وشوية لاااء ده انت (قفل مسوجر) ومتزمت ومش فرفوش كده وقفوش أووي.

وشوية انت تبع الدولة "دولجي"

ومرة لا لا انت "ثورجي" 

ومرة يقولوا لك أوباااا ده انت طلعت تبع الليبراليين وعلماني ولا تؤمن بالأديان بس متخفي في صورة واحدة ست !

ويبقى الواحد ولا يعرف ليبراليين ولا يعرف طريقهم منين ولا عاوزين مننا ايه يا كابتن متحت

طيب مينفعش أكون إنسان...سك.كده بدون إضافات.. إنسان بيرفض ويقبل ويحب ويكره وينتقد ويوافق ويمدح ويذم.

إنسان عادي بيخطأ ويصيب وله رأيه الشخصي بدون انتماءات....ينفع؟ 

ولو مينفعش مش مشكلة خليك ف حالك..ما بال أقوام شاغلين نفسهم بغيرهم؟