الحب الحب - بولوبيف بولوبيف - كفاية زفت بقى ياسي السيد

ياسر جلال ممثل "ماشي حاله" وغلبان، بدأ في السنوات الأخيرة يظهر في أدوار حلوة هوب عمل مسلسل الاختيار هوب بقى عضو مجلس شيوخ !! 

*هوب راح الجزائر بمهرجان وهران "الحقيقة مش عارفة بصفته كعضو مجلس شيوخ ولا كفنان مصري"، الراجل على باب الله حرفيا وقف طبعا يقول كلمة راح هابد له حتة هبدة عجيبة، 

 قال إن فيه كتيبة جزائرية جت تحمي ميدان التحرير بعد نكسة 67 !!!!

طبعا الناس فرحت بكلامه وانبسطت وصفقت له

*إنما هو طبعا محصلش رغم كامل احترامنا لتاريخ الجزائر المشرف مع مصر قبل وأثناء حرب 73 "وقبل التدهور الأخير ايام مبارك" 

ولا ننسى دور هواري بومدين وباقي الجزائريين في حرب 73 وإضرابهم عن العمل في فرنسا تضامنا مع مصر في حربها

*بس دي نتيجة طبيعية لاختيار ممثل على أده عشان نكافئه ونوسد الأمر في غير أهله وبدون ما نؤهله لمثل هذا المنصب، إنما نعمل ايه ادي الله وادي حكمته، 

*يا ريت حبايبي اعضاء مجلس الشيوخ اللذاذ الكيوت الطيبين اللي معظمهم اختيارهم كان من باب المحبة والحب الحب وبولوبيف بولوبيف 

يا ريت قبل ما اي حد فيهم يدلو بدلوه عن مصر أو تاريخها او اي موضوع حساس او يهبد له معلومة يتأكد منها، بعد إذن الحب طبعا