تو ليت يا مسلماني..

راجل كسب من محمد رمضان 

الناس اتلموا يخطفوا اللي يطولوه من الفلوس

المسلسلات مش بتكدب ولا بتهول علشان نغيرها ونحط خطة تليفزيونية عليوي

الغلطة في المسلسلات هي طريقة التناول مش الحدوتة نفسها

ماذا لو عملنا اللي بيقوله المسلماني في تكريم سامح حسين؛ مصر الصوفية يعني على حد قوله ويللا نحب بعض؟

تو ليت يا مسلماني.. تو ليت

احنا في حاجة حقيقية للمسة الحب المتصوف، نعادل به عقود من التشدد الخالي من ود القلوب، واللي جعل علاقات الناس ببعض يا معايا يا كارهك

بس الشارع مش مؤهل لاستقبال ده

مافيش ذرة ثقة عند الناس في تحقق الأمان الفردي، لا من ناحية الشوارع ولا من ناحية الحكومة

فين السبب اللي يخلي شخص حاسس أن كل ذرة تراب بيدوسها بتعفر عليه تهديد وكراهية.. يحب الحياة واللي فيها؟

كلام الصوفية لا يكفي

إحياء شباب الطبقة المتوسطة، وتمكينهم الحياة والإنجاز ومن تولي توعية الطبقات الدنيا.. ده الحل الوحيد

كفاية تضييع ميزانيات المرتبات على من تخطوا سن المعاش، وكفاية إفلاس المصانع وكفاية تبوير الأرض

الحل الوحيد هو تأمين شغل وزرع أمل في بكرة

اللي عنده أمل هيفكر كتير علشان يحافظ عليه

اليائس مالوش كبير ولو انفجر ولا أي إمكانيات ممكن تسيطر عليه

أفلا تعقلون