أكتب في واحد من الموضوعين التاليين: على ألا يقل عن ستة عشر سطرًا، وألا يزيد عن عشرين سطرًا في فقرات لا تقل عن خمس واضحة الأفكار، ومنظمة مع صحة الأسلوب وجماله، ووضوح الخط، وسلامة قواعد الإملاء والنحو

..

ده رأس سؤال التعبير اللي جاي النهارده.. طبعا أخطاء الترقيم تخلي مش من حق اللي كاتبه يعلي في طلباته من العيال بس مش ده موضوعنا

يعني انت محدد عدد السطور فهمناها رغم التحفظ

إنما محدد عدد الفقرات بأمارة ايه؟

ما تقول اكتبوا الموضوع اللي في مخي وتحدي وتطلع لهم لسانك

وبعدين سلامة الإملاء والنحو وحسن الخط التلاميذ يتوخوهم إنما لو هم شرط في ١٦ سطر يبقى من حقهم بالمقابل تلغي سؤال الخط والنحو والإملاء ويبقى الوقت كافي لهم لتدقيق ١٦ سطر

ما كفاية بيدرسوا قصة طويلة هبلة مابيعرفوش فيها شيء عن فنيات القص، وبتعاملوها بمنتهى التخلف ككتاب معلوماتي تسألوهم فيها عن الأحداث ولا كأن لها غرض لغوي أدبي.. ما كفاية وكفاية وكفاية، هو التوجيه في الوزارة ليه مالوش متابعة مع أخصائي نفسي كشرط لعمله في التنشئة التربوية

كفاية جهل وغل وتضييع للعربي