صباح الخير

عندي اقتراح على هواة شقط الكاتبات المبتدئات والمتسهوكات وال..

ممكن يا حضرة الشاقط اللاقط.. جرب تقول لها انتي أسلوبك فيه حاجة كويسة لو اشتغلتي عليها هتبقي كذا وكذا؟

على الأقل تخليها تاخد رأيك وتفضل كتير لا مؤاخذة بتنصحها وكده

إنما أسلوبك رائع وماحصلتيش وضربتي قلبي بشوك الورد وشغل التراللي ده شوية وهتلاقيها صدقت روحها وبتتعالى عليك

يعني لو بس تاخدها بهداوة.. 

منها هتطوِّل معاها.. 

ومنها هترحم الساحة الأدبية شوية، وتخلينا ندي فرصة للناس الكويسة اللي بجد

ونكون شاكرين لك تخفيض جرعة الهباب في الجو

وصباح الخير على الطيبين فقط جدا خالص