زمااان من خمسين سنة.. كنت أول مرة أسمع حد بيحلف يقول "والجرنان" الشريف

كان بيضغمها بحيث تتسمع "والقرآن"

لما حكيت انه قال كذا مش كذا.. أغلب اللي سمعوا ضحكوا، وقالوا ماهي معروفة دي بتتعمل كتير علشان ما يبقاش حلف بالقرآن

كانت أول صدمة لي مع الغش والنفاق والتحايل

نللي هانم (أمي) قالت لي وقتها إن ده كلام فارغ لأن الحلفان يتحسب باللي بيوصل للسامعين

بس مش ده اللي كان فارق معايا

اللي فارق ان من ساعتها اختفى اللون الأبيض النقي من الدنيا ودخلت في منطقة الرمادي