ازي الصحة؟..

طب والأحوال؟

إنشالله كويس؟

أصل انت لو الدنيا هتضحك على وش عيال..

تتعكنن

وبعيد عن كل اللي هيسمعنا لو اتعكننت..

مش عايزة سؤال

هتطفِّش نور الشمس وحنِّية ليل العاشقين

وتخلِّي الورد اللي مزهزه يتمرَّغ طين

حصالة الواد واللي اتحوش بطلوع العين..

تتكسَّر وياريت يستنفع حتى بقرشين

ده الكسر هيتمد وينتف ريش الجناحين

والأمل الطاير راح ينهج ويحط حزين

وده كله عشان عيل ساذج، اتجرأ على ضحكة وفكر، اننا من وسط البشرية م البني أدمين

بس انت لو ان انت كويس واحنا بوشين

فـ ازي الصحة انت كويس؟.. طب والأحوال؟